آئی جی آئی لائف اور سونیری بینک کے درمیان تکافل ڈسٹری بیوشن ایگریمنٹ پر دستخط
آئی جی آئی لائف نے اپنے ونڈو تکافل آپریشنز کے تحت سونیری بینک سے بینکا تکافل ڈسٹری بیوشن ایگریمنٹ پر دستخط کئے جس کے مطابق آئی جی آئی لائف کی تکافل پروڈکٹس سونیری بینک کے برانچ نیٹ ورک کو استعمال کرتے ہوئے تقسیم کی جائیں گی۔ دستخط کرنے کی یہ تقریب کراچی میں سونیری بینک کے ہیڈ آفس میں بروز بدھ 21ستمبر 2016کو منعقد کی گئی۔ سونیری بینک کی نمائندگی اس کے چیف آپریٹنگ آفیسر اور سربراہ بینک اشورنس نے کی۔ جبکہ آئی جی آئی لائف کی نمائندگی اس کے ڈپٹی چیف ایگزیکٹو آفیسر، سربراہ ہنڈو تکافل، سربراہ بینک ایشورنس سیلز اور منیجر اسپیشل پروجیکٹس نے کی۔ سونیری بینک ٹریڈ فنانس اور ٹرانزیکشنز بینکنگ سروسز میں ایک منفرد مارکیٹ پوزیشن کا حامل ہے اور ملک بھر میں اپنی 277برانچوں کے ذریعے مطمئن صارفین کی بڑی تعداد رکھتا ہے۔ بینک اپنے صارفین کی بڑھتی ہوئی توقعات کو پورا کرنے کے لئے پرعزم ہے اور انہیں شاندار خدمات فراہم کرنے کا سلسلہ جاری رکھے ہوئے ہے۔